« Mardi gra, shakinn son band » - In kozman pou la rout

16 désanm 2015, sanm Justin

Ala in kozman i tourn karéman lo do avèk sak i apèl “lo viv ansanm rényoné“. Zot I koné kosa sa I lé mèm si la pa vré san pour san pars nana touzour d’moun pou fé bien konprann aou zot la pa gardien koshon sanm ou. Touléka lé myé ké bann péi la sosyété lé divizé konmsi nana in mir rant lé z’inn épi lé z’ot... Touléka, ala in kozman k’i vé dir na poin si lontan ké sa kréol té pli divizé ké koméla. Mé akoz mardi gra ? In vyé gramoun la fine sote la vi zordi la di amoin mardi gra sé in zour pou défoulé, mé té i défoul group par group é pa toulmoun an parmi. Mi vann azot sa konm moin l’ashté, mé zot, kosa zot i anpans ? Arien ditou ? Fé travay z’ot koko ! Fé bouy z’ot matyèr griz, zot va oir, ké rant-rant, ni pé z’ète, tazantan dakor rantre nou.


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus