Médame, zé méssyé, la sossyété koze èk mwin sé koze avèk in kouyon, mé sé o pyé d’lo mir k’i oi lo masson.

Mézami, mardi gra kanssa i tonb ? I tonb 47 zour avan Pâques et comme Pâques li-mèm i diré li bouj-bouj in pé, é bin mardi gra i tonb pa mèm zour shak ané. Mi panss pa demoune koméla i fé gran-gran zafèr pou mardi gra. Lontan sa lété in fète é demoune téi déguize, té i défil dann shomin épi téi manz in manzé éspésyal. Arienk sa ? Non fé antanssyon sorte dann oute kartyé pou alé in n’ote kartyé lé dé i antande dsi in sèl poin sé ké zot i antande pa. Koméla marmaye lékol i fé la fète mardi gra mé sé in fète plito zantiye.

Tanka lo provèrb, li done aou in lindikassyon pa frékante bande infrékantab, rèst dann out bande pou garde oute trankilité.

Alé ! mi kite azot rofléshi la dsi é ni artrouv pli d’van. Sipétadyé.