Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami zot i koné margoz lé amèr ! wala pou koué souvan défoi marmaye i yèm pa sa. I anparl in n’afèr konmsa dann « Zistoir Kristian* » : la momon l’avé plante lyane d’arzan pou fé zoli, épi margoz pou manzé-in gran traka pou sak i yèm pa sa. Si tèlan k’in marmaye la tyé lopyé avèk lo bouyante, mé lo pyé la arpouss ankor pliss lo traka bande marmaye té ankor pli gran.

Lo grin, sa i manz pa mé i prétan lé dou si tèlman k’in n’afèr amèr i pé abrite in n’afèr dou é sa i vé dir, i fo méfyé lo laparanss pars in in n’afèr dou i pé abrite kékshoz amèr...mi kite azot mazine toute sak i pé z’ète konmsa.

Alé ! Ni artrouv pli d’van sipétadyé.

NB : Zistoir Kristian : promyé roman ékri dann kréol rényoné-listoir vré d’in ouvriyé rényoné an Franss.