Mézami zot i panss pa shak shoz néna son bon épi son mové koté : margoz lé amèr é sé sa son mové koté — pou marmaye antouléka. Lo grin lé dou é sa sé son bon koté. Marmaye i préfèr sak lé dou ké sak lé amèr — Mé ofète bann granmoune i yèm bien lamèrtime é sa lé gouté par bonpé demoune. Alor ?

Alor ! Mi rapèl, dann zistoir Kristyan, bann marmaye la détrui margoz avèk lo bouyante pou pa k’zot paran i done azot sa tro souvan… Mé wala lo grin la pouss an pondyak é margoz té ankor pli souvan dann menu si tèlman bann marmaye la bien rogrète zot afèr.

An touléka lé vré ké dann shak shoz néna son bon épi son mové koté. I di pa dann tou mal néna in bien, mé mwin la zamé antann dann tou bien néna in mal — pétète sa i di pa. Alé ! Mi kite azot pou rofléshi la dsi é ni rotrouv pli dvan sipétadyé.

Justin