Moin la fine di sa, mé sinploman konm tiktak pou détourn in késtyon. Ou i domann tro akoz, mi réponn aou « akoz margoz lé amèr, lo grin lé dou, la rasine lé plate ». In fason pou détourn la késtyon. Zot i konpran la pa in répons pou vréman… Mé mi sort lir dann kiv Daniel Honoré*, kozman moin la mark an-o la sré galman in provèrb donk li néna in sans prop-ni oi, kosa i lé !-épi in sans figiré. Sans figiré ? Sé pou di kékshoz i pé ète mové épi i pé z’ète bon suivan la manyèr ou i konpran ali. In pé i di : « Dann tout mal néna in bien ! » é dé foi lé vré si ou i koné tir lo konsékans in n’afèr. Alé ! Mi lèss azot rofléshi la dsi é ni artrouv pli d’van sipétadyé.

*semi lo mo-dictionnaire d’expressions créoles .