Margoz lé amèr : sa lé bien vré ! Mé lo grin lé dou : sa mi koné pa si lé vré. Kan margoz lé mir, lo grin i tranp dann in n’éspès siro, pétète lé dou. Dizon, nou lé pa la pou diskite sa mé pou konprann kosa sa i vé dir.

Kosa i vé dir ? Amèr, sa la pa in bon gou. La vi lé amèr, i vé dir nana son mové koté. Mé si lo grin lé dou é konm dou sé in bon gou, ni pé dir dann tout z’afèr nana in bon épi in mové koté. Tout z’afèr lé konmsa. In légzanp ? An avoir in travay, sa sé in bon n’afèr touléka i vo myé an avoir in travay ké pa.

Mé travay i fatig ! Alor sa sé in mové koté. Konm di lo kont méday.