Kan dann in péi nana sèz moun sü san na laj pou konèt lir épï i koné pa. Kan nana trant moun sü san lé an aj travay épï na poin boulo. Kan nana trantsink pèrsone sü san i gingn bann minima sosio. Kan la santé dmoun lapré dégréné avèk la diabèt, fort tansion, koléstérol. Kan la politik lojman i sifi pa pou dëmoun an aoir in toi sï zot tèt. Kan ou apèl La Rénion, in péi oussa ou vé toulmoun i viv bien ansanm. Kossa ou fé ?

Kan nana in moun ou koné alï bien. Ou koné lï di sak lï pans, épï lï pans sak lï di. Kan nana in moun sé in vré anti-libéral. Kan nana in moun i réspèk out péi, épï réspèk out pèp. Kan nana in moun i vien oir aou épï i di, lï lé dakor pou sak ou vë pou out péi épï lï va vanjé pou sa. Kan son program pou La Frans i jir pa avèk sak nï vë pou La rénion.

Si ou lé vréman résponsab out péi épï out pèp. Si ou pans tou lé jour lavnir bann jen, bann travayèr, bann ti-kolon. Si ou pans lavnir out péi, së lë dévlopman dïrab, sé in bon défans la natïr.
Ou vot prëmyé tour pou Marie-George Buffet, in vré zamiz bann rénioné.

Justin