(page 16)

Koman inn fami i pé fèr si, lèrk lo boug kom lo fanm i travay, i trouv pa manièr fé vèy lo zanfan ?
Kisa i gout promié ? Sinon lo fanm ankor, bloké dann in rol momon la kaz olié giny pouss son vi dovan. Kèl égalité ?

Non sèlman na poin asé d’krèsh pou anpar tout marmay i ariv, mé an plis na d’zandroi, kom Saint-Louis, ousa i fèrm san prévnir.

Koman ou fé dan La Rénion zordi pou trouv in moun, minm out fami, pou vèy out marmay ? Épi la pa in solision. La solision lé sinp : la krèsh sé inn klé kont lo somaz, li pèrmèt domoun kontinié travay é an minm tan li kré lanploi. Koman ou fé si la klé i tourn a lanvèr ?

Zistin