Mwin la lir dann dikssyonèr Alain Armand « apartir »sa sé in prépozission é i pé ranplass « dopi » : dopi dézan, dézan apartir, dézan amonté. Rogarde bien la plass « dopi » é la plass « apartir » osinonsa « a monté » i vien apré, dopi i vien avan lo laz.
Pou alé l’armé, dann tan l’armé té obligatoir té i fo ou néna vintan : vintan apartir, vintan amonté. Dizuittan a partir wi pé angazé.
Mwin pèrsonèlman mi yèm bien bann pti mo konmsa pars sa i pèrmète bien ésplik out ka kan wi koz. Défoi i fo wi fé travaye out koko pou mète in prépozission konmsa.
Alé ! mi kite azot roflèshir é ni rotrouv pli dvan sipétadyé.

Justin