Mézami si zot lé jenn lé possib zot la zamé antann in kozman konmsa, mé si zot lé plizoumoins rézonab, mi doute pa ké zot la fine antann kékshoz konmsa, pars fitintan marmaye té i okipe pa zafèr gran moune — antouléka téi mèle pa dann konvèrssassion gran moune

Mé o fète kèl tan lé myé : tan koméla osinonsa lo tan lontan. Tan koméla lé bien sof ké bann zadilt i doi — pou la sékirité zot marmaye — évite amenn banna dann trin in pé délika, mé sa i anpèsh pa rouvèr zot léspri. Ni pé éspér konmsa o mwins lo fil la kominikassion lé pa kassé par l’fète bann prinssip la vi an sossyété.

Mi kite azot rofléshi la dsi é ni rotrouv pli d’van, sipétadyé.

Justin