Oté

« Marmaye, kisa i komann kan momon lé pa la ? »

In kozman pou la rout

Justin / 2 zwiyé 2020

JPEG - 43.6 ko

Médam zé Mésyé, koz èk moin sé koz èk in kouyon, mé sé o pyé d’lo mir k’i oi lo mason. In provèrb pou rir ? Moin lé pa si sir k’sa. Pars, fransh vérité kan lotorité in bononm la fine émousé, marmaye i koné kisa i komann é la plipar d’tan zot i sava pa rant dann trin in l’otorié pou zot la fine vni kaduk. Dann ménaz néna dé pol : lo pol papa épi lo pol momon é i ariv k’inn i abandone son pouvoir dann la min l’ot. La plipar d’tan, momandoné sé l’om-sansa li fé son rodomon, sansa li amontr son karaktèr d’koshon, pou pa dir li fé konmsi li lé pa la avèk sa… L’èrla, néna pli for ké li anfas pars karaktèr d’koshon, pou karaktèr d’koshon la pa l’om k’i ranport la plipar d’tan. Alé ! Mi kite azot rofléshi la dsi é ni rotrouv pli d’van . Sipétadyé !