Mézami marmaye néna toute karaktèr sa : in pé lé ti-dousman, mé néna ossi in pé lé azité. I di pa si li lé azité sé k’li lé an bonesanté ? Mi koné pa si lé vré mé sak mi koné sé kan i di in marmaye sé in briz-fèr, tanssion déga li sava fé dann in kaz.

Li kass, li briz toute sak néna dan la kaz é son momon néna fort-à-fèr avèk li. Défoi lo momon i done ziska tizane sansitiv pou kalm son zanfan. Mé mi panss lo méyèr romède sé kan li grandi :

Briz fèr zordi, kalm domin, sé konmsa ké la plipar d’rante nou i lé. Ala noute déstin pou la plipar. Mi kite azot rofléshi la dsu é ni rotrouv pli d’van. Sipétadyé.

Justin