Mésyé, Médam, La Sosyété koz èk moin sé koz èk in kouyon-mé sé o pyé d’lo mir k’i oi lo mason. Zot i konpran in pé sak kozman-la i vé dir : mi diré sinploman sa in marmaye i tienbo pa an plas in pé konm nout tout kan nou lété pti : nou téi sote rosh an rosh dann la rivyèr, nou téi grinp dsi pyé d(boi, nou téi shaboul pyé d’mang nout bann voizin. L’èrla voizin téi souplègn avèk nout momon éparl pi la koréksyon nou téi gingn an rotour. Papa, pou son par téi di, sa sé la prèv zot lé an bone santé-sa téi anpèsh pa li alonz anou in klak tazantan par raport sak nou téi fé. Alé ! Mi kite azot rofléshi in pé dsi zot kan zot lété pti é mèm zordi si zot lé ankor pti pou oir si zot osi zot la tète dolé kabri osinonsa si zot lé marmaye trankil. Alé ! ni artrouv pli d’van. Sipétadyé !