Maronaj, sa lé dan nout tèt dëpü bann prëmyé moun la poz lë pyé Sin-Pol. Sa lété Lané 1663 : douz pèrsone la sort Fort Dauphin, Madagascar, pou débark La Rénion. Dann tout lo bann moun, i koné sirman lo nom inn : Louis Payen. Pétèt, Pierre Pau, lété lo nom lë dezyem fransé.

Bien sïr, i koné pa lo nom bann malgash : troi fam épi sèt bononm. Lé dë fransé lavé pa trakass azot pou bann malgash : lavé pa mark zot nom sré t’i pou konèt. Zot la pa rod si té falé ékilib in pë lo nomb z’onm avèk lo nomb fam. Zot té pa la avèk sa !

Kan zot l’ariv La Rénion, i koné pa konbien n’tan apré, la fé in spèss ralé-poussé-batay. Lë dë fransé la rèss zot koté, bann malgash la parti in pë sü la otèr, pétèt boi d’ nèf Sin-Pol pou évit gingn koud’ fïzi.
Zot la parti maron : maronaj la komanss konmsa, apré lï la kontïnié. Ala pou kossa li fé parti nout kïltïr.

Justin