Médame, méssyé, la sossyété, koze èk mwin sé koze èk in kouyon m é sé o pyé d’lo mir k’i oi lo masson.

Mézami si mi arète amwin sak mi sorte trouv dann diksyonère franssé, mi pé dire azot badiner sa in mo la lang fransèz i vé dire plézanté. Ni koné la pyèss téate « on ne badine pa avec l’amour ». Dann shanté Georges Fourcade ni pé antande « gramoune l’avé bien di maryaz la pa badinaz ». Donk sa lé sèryé sa ! i plézante pa èk sa ! Mé pé s’fèr zot va panss sa bann vyé mo, bande vyé léspréssion é k’i sifi d’obliye azot.

Mwin mi panss pa konmsa si lété possib amwin mwin téi garde toute bande vyé léspréssion pars mi yème sa alé ! Fé konm zot i vé, garde sansa zète, mé pou mwin sa lé gayar in poin sé tou.

Alé ! ni artrouv pli d’van é ni rofléshi in pé dsi. Sipétadyé.