Oté

« Maryaz lé konm mélon : sé in késtyonn shans ! »

In kozman pou la rout

Justin / 19 avril 2019

JPEG - 43.6 ko

Zot i koné sa in drol z’afèr sa. Demoun i maryé in bonpé é na plis ankor i krétik lo maryaz. Mon kozman pou la rout la pa otroman. Pars si lé konm melon, I fo ou néna bon né pou trouv sak lé bon dann in ta. Si tèlman demoun i domann lo vandèr détash in karé dodan, konmsa i pé évite in l’érèr dsi la marshandiz. Oui, mé si ou la fé dékoup in karé d’dan, ou ashté apré, ou i asté pa ? Si ou i ashté élé bon tanmyé pou ou ! si ou i ashté é la pa bon mi oi pa kosa i fo fèr ! Mi oi pa kosa i pé fèr !? Sof ké dann maryaz ou i pé pa dékoup in karé. An touléka, moin la zamé antandi k’i fé sa. Alé ! mi lèss azot rofléshi la-dsi é ni artrouv pli d’van sipétadyé.