Zistoman inn son séga té i porte dsi lo pié d’ri é sa téi koréspon in vog dann tan-la dann nout péi.Mi koné dé bononm téi rode ke sa.In pé mèm té shofèr zot madam pars lo madam l’avé in bon sityassion- mi koné in pé d’papa téi ankouraz zot garsson pou établir in rolassion avèk in fiye pou l’motif lo fiye l’avé shèk.Dizon in sorte l’amour alimantèr.

Tan-la lé fini é mi panss koméla sa lé déyèr nou pars néna otan d’shomèr fiye ké d’shomèr garsson é avèk sak ni pé apèl in komansman d’libérassion bann fanm toulmoune, fiye konm garsson, i rode travaye mèm si lo poi d’shomaj lé bien lour-ni pé dir zordi la rolassion i fé pliss par santiman ké par intéré….Antouléka mi oi lé shoz in pé konmsa.

Alor, fini lo pié d’ri ? Pétète pa san pour san mé lo mo néna kant mèm son plass dann bann diksyonèr kréol LaRényon.

Alé ! Mi kite azot rofléshir la dsi konm dsi nout sossyété, son kalité épi son défo é sa i anpèsh pan ou rotrouv pli dvan.

Justin