Inn parmi mon bann dalon, poitan la pa invant zèf bouyi, té apré di amoin na poin lontan, li souète, pou li-mèm épi pou son bann famiy, in lanploi fiktif pou lané 2008, akoz i travay pa, épi lé bien péyé, moi pou moi, épi la loi, souvan-défoi, li fèrm lo zié.

Aprésa, li di amoin la-ba dan La Frans, dann in shato i apèl Matignon, nana in boug i travay pa, vik li fé pa son travay*, épi li gingn kèk 20.000 ero par moi. Aprésa, li rod, li rod, li rod mèm lo nom lo boug, mé li trouv pa. Li di amoin lé dsi lo bout son lang, mé li ariv pa dir. Sa lé konmsa mèm, kan ou antan pa souvan lo nom in moun étranz.

Rafarin, sa té i antann souvan mèm li lété in roi d’razèr d’pinte. Vilpin galman, i ansouvien son nom. Dizon in pé moins. Mé lo ranplasan, sa in nom i agingn pa ramassé. Lé si tèlman rar la télé i parl dé li : lé kaziman pli rar ké korn lapin pou rézon li fé pa son boulo.

A bon ! Donkalor, nana in lanploi fiktif dann Matignon : lé vré, mé sa in lanpoi ofisièl, in lanpoi fiktif ofisièl.

* Le Premier ministre détermine et conduit la politique du gouvernement (art 20 de la Constitution). Kisa i lé boug-la ? La pa Sarkozy ? In-in-in, la pa li sa !

Justin