Dabor la miniss sé ki ?

Sé pa ninporte ki.El i apèl Joanna Berenger é si mi tronp pa sé la fiye Paul Raymond Berenger inn an parmi bann politik mauricien lo pli kapé é li mèm li ranplass Ramgoulam kan sète-la i sava an voiyaz. Tanka Joana èl lé miniss èl ossi mé junior miniss konm néna plizyèr dann nouvo gouvèrnman la répiblik.

Donk lo 26 mars la miniss l’avé in diskour pou fèr é olèrk koz langlé sansa lo franssé èl la désside koz langaz mama donk son lang matèrnèl.

Mé wala la speaker Shirin Aumeeruddy la kal aèl épi la di èl i pé pa lèss la miniss kontinyé sof si i koz langlé sansa lo franssé. Lé dé la diskite in pé épi a miniss la di konmsa son diskour sar konm lo kréol morissien « rédui o silanss ». Aprésa la speaker la site son tèks é tèks-la i di bann déba i doizète fé dann langlé mé i pé koz galman dann franssé.

Ziska zordi na poin in mo pou lo kréol morissien mé in promès pou mète in komité an plass pou la lang kréol ran,te dann bann déba. In n’afèr à suiv.

A bon antandèr, salu !