Mézami kozman-la sa i rapèl amwin in fab Lafontaine : « Lo shène épi lo rozo ». Listoir d’in gro pyé d’boi apré kass lé kui in zèrb Sin-Pol pou fé lo for alé oir l’ote lé faye mèm. Ziskatan k’in gran tanpète i ariv i toush pa lo rozo, mé i bate lo shène atèr.

Sa i vé dir d’apré mwin i fo méfyé lo laparanss, i fo pa kroir ou lé pli for k’ninporte a ki — in apèl pou ète modèst dan la vi. M’a dir azot in n’ot provèrb zot i koné sirman, lé in pé parèye é i di konmsa : Faye-faye la tyé gro bèf.

Alé ! Lé bon pou zordi, mi kite azot rofléshi la dsi é ni artrouv pli d’van. Sipétadyé.

Justin