Mézami mwin la pèr zot i panss mwin la gingn in kou d’mizozini pars, fransh vérité, sak mwin la di i rossanm bien in kritik bann fam… alé oir pou inn ou pou l’ote koté limanité lé parèye.

Si mi di sak mwin la di sa i vé dir mi anparl in madam la fé plizyèr maryaz é shak foi son mari la kiné. Sa i ariv, mé l’om lé pa égzan li ossi pars ni koné bann bononm la fé plizyèr maryaz é shak foi zot madam lé mor. Finalman ni diré sa sé in problèm de statistik é néna foi blan koté lo fam é foi blan koté lo bononm.

Alé ! Mi kite azot rofléshir ladsi é ni rotrouv pli dvan sipétadyé.

Justin