Dann dikssyonèr Alain Armand i di : pagod, sansa pagot, sa in plante koush-a tèr é sa i done bann frui avèk zépine si tan tèlman dir é si tèlman pikan k’li lé kab pèrs in rou vélo…

Listoir i vé ké dann tan la konpagni dé z’inn, konm bann kolon téi ashté pa soulyé é ké l’avé in bon éstok dann magazin la konpagni, néna in gouvèrnèr la désside fé plante pagot pou obliz ashté soulyé.

Astèr i tonb dsou l’sanss. Nout kozman an-o la i vé dir i fo méfyé in moune lé riskab mète difikilté dsi out shomin.

Alé ! Mi invite azot pou rofléshir la dsi é ni retrouv pli dvan, sipétadyé.

Nb — pagod(pagote) i apèl galman tribulus cistoîdes sansa wanglo, fyèv la Zamaîk, osinonsa vigne a ponkssion, in plante néna in bonpé dann bann rézyon sib-tropikal.. In souvnir kuizan dann an l’avé pwin savate lo doi.

Justin