(Page 16)

Inpé i di : Gaymard la pa vol lo bon bèzman li la ginyé. Na dot i di : asé tap si Hervé Gaymard.

Na dot ankor i di : fo pa sarz lo do bourik kan li giny pi fé avans son sharèt. Épi so mizamor i ansèrv pa lo monn politik.
Domoun i koz, i inm kritiké. Lé bon, mé désèrtin lé pa lwin mèt tout zom ou fanm politik dann minm boutèy.

Fo pa krwar tout la bann lé parèy. Néna bonpé rèsponsab politik, zéli, rèsponsab zasosiasion mi koné i tir pa kari sou d’ri.

Mi koné in takon militan i réspèk la politik, i trahi pa zot fonksion, i batay pou l’égalité èk la libèrté. Mi pans minm so kalité la lé pa rar.

Alor asé fé in zanbrokal ansanm tout zafèr : na d’grin lé amèr, na d’grin lé dou, mé pa tout lé pwazon. La pa tout pyédbwa i pous tord.

Justin