Mézami mwin lé sir zot i koné kossa « séré » i vé dir kan i ansèrv de li konmsa : ni pé di sinploman « kashyété ». Kashyété ? Sa in métyé sa pars la pa toulmoune i koné pa bien kashyété, sansa dissimilé. Sé konmsa ké Grandyab pou maryé avèk la sèr Pti-zan la anroul son ké dann in pla doré i rossanm l’or pou fé kroir li néna la fèss an or.

Lé konmsa é pa otroman é wi amontr pa poute vilin manyèr fassilman : wi kash oute défo. Donk pou konète in moune i fo pran lo tan : marsh kinz zour dann son savate é lé pa sir ké néna assé.

Alé ! Mi domande azot rofléshi la dsi é ni artrouv pli d’van. Sipétadyé.

Justin