La plipar d’tan i antann dir : « Solèy i briy pou toulmoun ». Mi pans l’inn é l’ot sé lo mèm zafèr. In pé kréol i di galman : kan la plui i tonm, i tonm pou toulmoun mé sa i vé pa dir lo mèm zafèr. Kosa sa i vé dir ozis ? Sans prop sa i vé dir la natir sé in bien partazé rant lo moun. Mé sans figiré ? Mi pans lo bann bien l’imanité, sète-la lé pa bien partazé ditou. Néna sak néna é na sak néna poin. Néna, an parmi bann péi, sak lé pov tro pov épi sak lé rish tro rish é oplis i sava sak lé rish i vien pli rish é sak é pov i vien pli pov. Lé vré la natir lé pou kékshoz, mé sirtou bann sistèm ékonomik lé an plas zordi. Alé ! Mi lèss azot rofléshi la dsi é ni artrouv pli d’van. Sipétadyé.