Oté

« Mèm kan li koul a sèk, la rivyèr i port son nom »

In kozman pou la rout

Justin / 17 mé 2019

JPEG - 43.6 ko

Nou lé bien plasé isi pou konète in n’afèr konmsa : ni koné la ravine sèsh, lo bra sèk, la ravine Promyé bra, épi d’ot épi d’ot ankor. Final de kont néna arienk inn-dé rivyèr isi konm i di lé pérène donk néna d’lo tout l’ané é pa arienk in filé pou fé sanblan. Mé, antansyon ! La rivyèr lé la é si in gro plui i tonm li miltipliye son débi par in kantité foi é malèr pou sak la obliye in kékshoz konmsa. Malèr pars dolo lé riskab ral lo moun inpridan ! Kosa in provèrb konmsa i vé dir, final de kont ? Mi pans, I vé dir sinploman, in danzé i pé z’ète la, ète prézan é si ou i méfyé pa i pé sirprann aou. Par ébzanp kosa ? Dizon in l’atak rokin. Dizon ankor in danzé d’la vi dann in sosyété. Dizon ankor in bèl siklone. Ni pé ankor pans bann sityasion danzéré ni pans mèm pi é poitan zot lé la, é zot i domann arienk pou révéyé. Alé ! Mi kite azot rofléshi la dsi é ni artrouv pli d’van. Sipétadyé !