Médam zé mésyé, la sosyété sé pa si zot i koné mé na arienk la limyèr di zour k’i pèrmé bien konète la koulèr in n’afèr. Donk si i fé noir, na poinn shans ké zot i oi lo lé blan... Kan lo zour i klèr zot va oir ali konmsa. Sa lé sir ! Mé alor pou kosa bann zansien la fé in kozman konmsa ? Pou kosa zot la pa di, dolé lé blan la zoiné é ni oi ali noir dann fénoir ? Mi oi d’isi la tète demoun si i di azot dolé lé noir la nuite. Sak i vien dann mon tète sé in kozman kréol i di konmsa : la vérité néna in sèl koulèr. Lo tan é l’èr i pé shanjé, mé kékshoz vré i rèss kékshoz vré. Ni pé tourn l’afèr dann ninport kèl sans mé in vérité i rèss é li shanj pa. Mèm si lé in pé konpliké, mi invite azot a rofléshir la dsi é ni artrouv pli d’van. Sipétadyé.