Mésyé, Médam, La Sosyété, koz èk moin sé koz èk in kouyon mé sé o pyé d’lo mir k’i oi lo bon mason. Mé zami, provèrb – la sa i sort l’Amérik. Zot i koné moin la parti rode dsi l’internet kisa i lé Lucifèr pou bann krétien : sé in lanz débousolé, mèm si son promyé sans lété « sak i aport la limyèr »sansa « zétoil gran matin ». Mé oila, li la révolt kont bondyé si tèlman li la baskil dann kan lo dyab. Alor lo provèrb kosa li vé dir o fète : li vé dir bon zordi i pé vni mové domin, in bon sistyasion i pé transform an mové rèv… Alor pou sak sré tanté donn demoun promyé foi zot i oi in shèk an blan, in brové tout kalité, méfyé azot. Alé, mi kite azot rofléshi dsi provèrb amérikin-la é ni artrouv pli d’van. Sipétadyé.