Oté

« Mèm si ou i yèm pa lyèv, rokoné li kour vit kant mèm ! »

In kozman pou la rout

Justin / 16 zwiyé 2018

JPEG - 43.6 ko

Zot i koné kréol-la, sa in bann moun monstré sa. Sak i apèl l’obzéktivité zot la pankor touv sa dann shomin. In mond zot i yèm pa néna tout défo. Sa lé vilin. Sa lé malélvé sansa malprofité. Sa i koné pa abiyé. Talèr zot va di li néna pis, lo pou, i santi mové, épi tout sort mové kalité an mèm tan. Alors pars ti yèm pa li, li la poin in sèl kalité ? Tro sé tro kant mèm. Konm nout kozman i di, lé vré lyèv dann zistoir kréol néna vilin manyèr mé li néna son kalité galman. La prèv ? Lir son zistoir zot va oir néna dé shoz lyèv i koné fé, li koné fé dé shoz. Li lé pa si kouyon ké la tèr lé ron. Alé ! Mi kite azot pou rofléshi la dsi é ni artrouv pli d’van. Sipétadyé !