Oté

« Mèm si zoizo i vol anlèr dann syèl momandoné li fini pozé »

In kozman pou la rout

Justin / 28 séptanm 2020

JPEG - 43.6 ko

Mézami, d’apré sak i di néna par-la dis milyon kozman konmsa dann l’afrik. Lé normal pars bann zafrikin i yèm koz an parabol é in parabol i déboush forséman dsi in kozman pou la rout. Isi osi La rényon lé konmsa é sa i sava boush a lorèy é boudikont tout demoun i koz suivan lo mèm parabol-isi di sa patoi é mi asir azot néna in bonpé patoi mé pé s’fèr pèrsone la pa mark sa dann in liv sansa dann plizyèr. Poitan bann patoi i transmète moun an moun, zénérasyon an zénérasyon bann règ do vi é sa i fo ni ramass sa sèryèzman é ni bord pa sa dann in poubèl lordinatèr. Kozman an-o la kosa i vé dir ? I vé dir, sanm pou moin, nou lé atashé avèk la tèr. Ni pé ésèye baré mé lo latraksyon térès i amenn anou landroi ni sort. Alé ! Mi kite azot rofléshi la dsi é ni artrouv pli d’van. Sipétadyé