Zot i koné mèrl Moris zot ? Sa in zoizo fantézi sa ! Sa in zoizo malis ! In zoizo malèr ! Zot i koné moin la fine oir inn manz in papaye mir san fé romark ali. Pli vré, moin la pa vi ali égzaktoman kan li té apré détrui mon papaye, kan la po té an farlangué moin la vi ali pran son vol. Li lé si tèlman danzéré li manz dann pla mèrl péi, pli sir, li dévast lo manzé nout mèrl anou. Mi diré li sé in vré parazite, pars li sé in vré nuizib, é anplis in nuizib difisl pou fé partir é kroi pa ou va trap ali konmsa. In légzanp, in dalon, in soir, la promète mèrl Moris in rès trankil si li arète pa manz son mang mir. Donk li la mète poizon, lanate, dann pyé d’mang pou tyé lo mèrl moris. Figir azot li la tyé lo ra, mé mèrl Moris zéro Baya. Alé ! Mi lèss azot réfl éshi la dsi é ni artrouv pli d’van sipétadyé.