Na pwin lontan la fé in guèr douz zour é zétazini lété apré négossyé kan Isrzael la ataké. Dopi dé troi zour néna la guèr é d’apré zot pou kèl rézon : Zétazini konm Israel i vé pa L’iran néna la bonb atomik é l’avé négossyassion an kour. Bann négossyatèr i di l’Iran téi vienn rononss anrishi liraniome pou fé la bonb mé li lé a fon pou l’atome dann lénèrji.

Sé pou sa ké bann dirijan iranien la tonb dann in atanta pars zot téi panss zétazini l’avé pi d’rézon pou atak azot… Mank de shanss Israel la ataké é l’amérik la suiv : éspri’klan, éspri d’bande, éspri marmaye lékol an pli danzéré. Ki la komann ki in foi anpliss ? Mi koné pa chirac la di vréman sak i fé dir ali mé lé bien konmsa k’la éspassé.

Apréssa kissa lé dann bon koté, kissa lé dann mové koté, malérèzman mi panss lé dé koté lé dann mové koté é bann pèp moiyin oryan-a komanssé par lo pèp l’Iran — lé pa fini d’soufèr d’ inn sityassion konmsa. Konm mi sorte lir, lo problèm lé dann lé dé kan é lo pèp la pankor trouv lo boute son soufranss.

A bon antandèr salu !

Justin