Kosa sa i vé dir sa ? Sa i vé dir ou lé pli for zordi, ou lé pli for domin, mé in zour ou i trouv pli for ké ou dsi out shomin. Boudikont, sa lé bien vré : in l’égzanp dann l’éspor. Ou i pé z’ète shanpyon mé i ariv in zour ou i trouv pli for ké ou. Kisoi par raport l’az ou la fine trapé. Kisoi par raport in téknik ou i koné pa bien apliké. Kisoi dann in konba mal améné… Mé sak i bate aou, li mèm, li va trouv pli for ké li. Sa sé in n’afèr lé ékri dan la vi. Boudikont sak i éspas dann l’éspor i éspas galman dann tout séktèr demoun lé an konkirans donk provèrb-la lé la éksopré pou amontr aou la modésti.