La di dépi bann zané katrovin, nana in takon demoun lé tousé par maladi-là. Lo sida la po fatig lo Monn, Lafrik sirtou. Kosa n’i pé fé ? Mèt plastik, sirtou. Sé déza in zafèr po fé. Soman,nana ankor po konbat bann zidé an plass. In malad lo Sida lé rozété, bor kanal, bor lasistanss, bor d-tout.

Anou kosa n’i pé fé ? Oté, alon done la min, po fé réspèk bann droi demoun lé malad lo sida. Azot osi demoun. Kisoi dann travay, kisoi dann tournéviré la vi, kisof dan nout fami, dizon partou, sa in moun na droi lo respé.

Yèr, té la zourné intèrnasional kont lo Sida. i fo pa n’i oubli tousa marmay i pé énèt èk la mor an kado. Azot osi i fo n’i vienbou maziné.

Justin