Pou moin, Justin, mi trouv i fé pa asé in ka avèk bann moun, épî bann zafèr, i mèt La Rénion anlèr. La pa ki koz pa, solman i di in foi, apré i anvoy baladé : nana tèlman zafèr ki ral anou déyèr épï demoun lé kontan an parlé. La lang la poin lo zo. Riyink de moin, noré toultan, dann radio, dann télé, dann zournal papyé, sü bann blog in bout pou sak i fé in n’afèr bien pou nout péi.

Zordi, mi vë di dë mo sï in travay lïnivèrsité épï in lantrepriz la fé ansanm-avèk : in nouvo kalité kaptèr solèr. In tik-tak i arfrédi le pano-solèr pou anpèsh son randman diminié. I prétan dir li rann moin bien kan solèy i shof alï plis, donkalor, i fo arfrédi alï pouk lï done in méyèr randman.
Sa in n’afèr séryé épï i kol bien avèk nout plan sï le bann lénèrji i arnouvèl.

Kan ou rod kisa i fé sa, ou trouv in lantrëpriz, i apèl PHPS - son responsb sé Philippe Pinteau - épi in laboratoir lïniversité. Sèt-la son résponsab sé Jean Pierre Chabriat, in jenn La Rénion, lé bien konï anparmi bann moun i travay pou fé avans la sians.
Mi trouv sa in bon lokazion pou anparl bann projé épï bann moun i travay dan la sians pou fé avans anou épï pou larg in pë linformasion tia-tia, ladi-lafé, mové lang...

Justin