Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, dan la vi, shakinn rantre nou i pass lo tan pou fé in kantité zèss ; zèss itil épi zèss initil.Mi koné déssèrtin i fé in kantité zèss initil, sansa i pé s’anpass de fèr kan zot l’apré fé.

Ni pé apèl sa bann zèss initil mèm si pou la pèrsone k’i fé na pwin pli inportan ké zèss-la é pwin d’zafèr pli irzan pou fé. I fo dir la pa toultan ni rofléshi bien sak ni fé avan fé. Mé toussala lé pa grav si kan néna zafèr vréman irzan la pèrsone, zot konm mwin, nou lé kapab kite bann zèss insignifian pou fé kékshoz lé vréman nésséssèr.

Alé ! Mi kite azot rofléshir la dsi é ni rotrouv pli d »van, sipétadyé.