Mézami kossa i lé mazanbron ? Sa sé in kalité d’laloess — Aloe Macra, banna i di é avèk sa i fé in spèss siro amèr vèye pa ; mé pou kossa i fé siro-la ? Pars sé in manyèr pou dékouraz marmaye dann déssèrtin zèss li fé : li siss son pouss, mazanbron. Li kontinyé siss son vyé sissète an kaoutchou, mazanbron.

Mwin pèrsonèlman mi yème pa kan i fé dé shoz konmsa avèk bann bb : dabor lé amèr konm lo fyèl, aprésa lo marmaye li kontinyé sissé mèm si li fé kalité grimass mézami. Pou mwin sa sé konm in fasson tromatiz bann ti maraye sa é anpliss lé pa sitèlman éfikass.

Astèr néna in ka mi koné pa kossa i fo panssé. Sé pou sève in marmaye pou fé arète ali pran lo sin. Mwin la fine antann bann bèl mèr sansa bann momon apré di : « Mète Mazanbron ma fiy ! mète mazanbron ! »

Alé ! Mi kite azot rofléshi la dsi é ni rotrouv pli d’van, sipétadyé.

Justin