Mézami, porte la boush kabri sé porte la shyass. Zot i koné pou koi sa ? Mwin pèrsonèlman mi koné pa. Défoi mi panss sa néna in rapor avèk la fasson kriyé lo kabri. Fasson li kriye, ou lé a d’mandé si na pwin in malèr la dsou.

Mi koné demoune i sorte Madégaskar — déssèrtin, pa toute ! — épi lé déssandan bann malgash la pèr kabri konm la pèr la mor. Pa solman pou manzé, néna d’moune i prétan pa manz la vyann kabri. Mé mèm lo kaka pti grin bann kabri néna i siporte pa.

Zot i koné par l’fète kan wi kroi in n’afèr, wi kroi é ou néna la krintiv de sa. Sé pou sa mi domann azot rofléshi la dsi, mé lé si tèlman pa rassyonèl mi kroi pa zot va trouv in bon rézon pou sa.

Alé ! Ni rotrouv pli dvan, sipétadyé.

Justin