Mézami, shak zour Bondyé i done, néna demoune i kite inn-a l’ote pars i antan pi, é konm i di la bril la paye. Pou komanssé i règ lo problèm lo balo. Balo ? sé toute sak in moune néna kan li la pwin gran-shoz sirtou si la kaz lé pa li é li sré konm i di in lokipèr san tite.
Mi koné in zoli shanté in lartist i apèl Misty (éskiz amwin si mi tronp dann lékritir) mé shanté-la lé kante mèm in pé imoristik pars i mète balo lo boug déor épizapré i romète ann-dan sak i vé dir lo boug i fatig aèl in pé mé pa san-pour-san é l’èr pou kité la pankor arivé.
Antouléka, sak mwin lé sir, sé kan i mète oute balo déor la rolassion i san laye é konm i di l’èr d’lo dépar i ariv doussman-dousman.
Alé ! Mi kite azot rofléshir la dsi é ni rotrouv pli dvan, sipétadyé,

Justin