Mézami l’avé in tan La Rényon l’avé in gran frode éléktoral : téi tire biltin in kandida épi téi di lo nom l’ote osinonsa téi bour l’irn sinploman. Bonpé rante nou bann zansien i rapèl sète afèr-la ; mèm in tan téi di : « Fé akoush la momon koshon » é sa téi vo in bouraz lirn.

Fitintan lété sa noute démokrassi anou é nou té oblizé sibir in n’afèr konmsa. Koméla dizon sa i égziss pi mé in pé i di si lo bande métode la shanjé mé i égziss touzour in manyèr triké.

Mwin na poin l’opinyon ladsi mé pétète zot néna… Mi kite azot rofléshir la dsi é ni rotrouv pli dvan, sipétadyé.

Justin