Oté

« Mète zèf poul pou ti kanar éklo »

In kozman pou la rout

Justin / 25 mars 2020

JPEG - 43.6 ko

Mésyé, Médam, La Sosyté koz èk moin sé koz èk in kouyon mé sé o pyé d’lo mir k’i oi lo mason. Promyé foi moin la antann sa té dann in zéléksyon Boi d’nèf Sin-Dni, landroi moin lé né. Biro d’vote té in pé an otèr é l’avé in komèrsan par anba la rout.Li la vni intèrpèl lo prézidan biro, in sèrtin mésyé Zozèf é li la di : « Mésyé zozèf ! Mésyé Zozèf !La i mète zèf poul ! Asoir i éklo ti-kanar la ? ».Alor Mésyé zozèf la di : « A ! Mon anfan ! » é lo soir la fé konm la di :la kapote lo rézilta :sak té pou inn la mète pou l’ot é vèrsi-vèrsa. Ni konpran bien provèrb moin la mark an-o la sa lé vré shak foi k’i falsifyé in kont, sansa in rézilta, shak foi k’in moun malonète i mète son kiyèr sal dann marmite i kui pa pou li.Alé ! Mi kite azot rofléshi la dsi an éspéran ni rovoi pi zafèr konmsa.Alé ! ni artrouv pli d’van. Sipétadyé.