Oté

« Mètr an mètr néna son mètr »

In kozman pou la rout

Justin / 12 févrié 2020

JPEG - 43.6 ko

Mésyé, Médam, La sosyété koz èk moin sé koz èk in kouyon mé sé o pyé d’lo mir k’i oi lo mason. Dann tan i pé dir shak l’androi l’avé son bann bon konm son b ann mové garson. Si ou i sava in l’androi la pa la vote ou lé riskab gingn inn plushé. Sa téi ariv sirtou kan bann jenn jan téi réini pou in bal la pousyèr sansa pou inn parti d’moring lo dimansh apré midi. Lété si tèlman danzéré k’in momandoné gouvèrnèr la anpèsh fé lo ron moring. Anpèshé ? Sa sé in mo, pars té i anpèsh pa bann jenn rotrouv azot dann bann ron klandèstin. Lé vré, té pa ninport ki téi prézant laba, mé bann gabyé kosto shanpyon tèl ou bien tèl kartyé. Mé konm i di zordi ou lé pli for isi, mé dann in l’androi ou i trouv in pli for ké ou, é lo pli for li mèm i artrouv in pli for ké li. Sé pou sa demoun téi di lo kozman marké an-o la konm inn prévnans pou lo pli for pou mète ali an gard. Alé ! mi kite azot rofléshi la dsi é ni artrouv pli d’van. Sipétadyé !