Mézami, mi rapèl in tèks mwin la lir ali dopi lontan é dann tèks-la téi di, toute déba i tourn o vinèg : kissoi la politik, kissoi lo maryaz, kissoi la rolijyon, mé néna in sèl déba, boudikonte, i mète toulmoune dakor sé sak i porte dsi manzé la kaz.

Toulmoune lé dakor sa sé lo méyèr.

Mèm, i paré néna déssèrtin i kour toute in vi a la roshèrch lo gou manzé kan zot lété marmaye, lo gou manzé momon, lo gou manzé lakaz…

Sa lé possib sirman pars noute papiye la fé son lédikassion la dsi, la fé son lantrènman la dsi é sé pou sa gou-la lé dann noute mémoir lo gou é nou lé apré shèrch ali toultan défoi san éspoir pou rotrouv ali mé san dézéspéré.

Alé ! Ni artrouv pli dvan, sipétadyé.

Justin