Dopi in bonpé d’zané bann prézidan épi bann gouvèrnman La frans i domann a nou nout l’avi dsi sak i fo fèr pou tir anou dann fénoir.Solman lé vré, la pa toultan-é lé mèm rar- zot i tienbo kont nout l’opinyon dsi in bonpé poinnvizé.

Jospin la koz avèk nou.Raffarin la koz avèk nou.Sarkozy la konsil t anou,épizapréHolland, épizapré Macron. Si ni di lo kontrèr ni di pa la vérité. Pars sak la b ien vouli la ésplik zot poinnvizé.. ; Shak foi la fé in plan avèk in bon pé nom bizar, mé bann plan la pa règ nout problèm. Pou kosa ? Paars sanm pou moin dopi dé tan é dé tan, la mète nsistèm gouvèrnans isi shé nou i pèrmète pa nou avansé.

Koman i fo apèl sistèm-la ? Pou nout par ni apèl sa lo néo-kolonyalism. In pé i di sa in lékonomi d’kontoir avèk a la klé in dévlopman pou vréman inposib épi in ralaz larzan dann posh bann gran sosyété :an kék mo, larzan piblik é nout larzan galman i tourn vitman vitman isi, épi i rotour n dann kof for bann sosyété kapitalis La Frans. Avèk in sosyété inégalitèr parl pa zot !

Alor kosa i fo fé ? Nout parti pou sa par i ézite pa shak foi di son bann zidé, dénons lo bann lanspèk épi fé bann propozisyon pou tir anou dann shomin sharète shaviré, pou mète anou dann shomin nout dévlopman, épi signal partou lo dogré d’mizèr in bon kota nout popilasyon.

I fo pa fé sa ? I fo fé konmsi nou na poinn solisyon pou Nout péi ? Sansa nou néna lo bann solisyon k’i fo mé ni rofiz dir ? Sansa pli pir fé konmsi nout dévlopman lé inposib shanj sak i vé shanjé.. ; Zordi ankor gouvèrman la fé vni in pé bann zélu pou fé antann azot sak li vé di. In pé i di zot néna dé shoz a dir é zot i mank ar pa d’dir... Mé in pé pli intélizan ké lé zot i di partou i f opa alé laba.I fo pa alé kozé.

Konmsi, pou zot, l’avé in sèl stratézi valab sé sète martin ki kouzi : bon stratézi an vérité !

Justin