In pé sa va, mé toutan sa sé in n’afèr mi apréssyé pa. Pou kossa ?

Napoin lontan mi rapèl bande shinoi la rouv plizyèr formassyon pou bande jenn malgash par-la koté d’Tana é sé in n’afèr la intérèss amwin. Pars l’avé lo volé travaye épi lo volé « antroprande ». Donk bande malgash formé té i doi pass diréktoman dopi la formassion ziska lo travaye dann bande zizine paré pou l’anploi.

Mé formé pou formé, sansa formé pou alé travaye an déor, sa sé in n’afèr mi apréssyé pa bonpé. Mi konpran lo jenn na poin travaye épi li di si i fo li v’alé travaye déor. Dakor ! Mi konpran ali. Mé dopi konbien lo tan i fé sa avèk noué sanin bon rézilta pou lo péi.

Okilé lo plan d’dévlopman, épi an paralèl la formassyon, konmsa inn avèk l’ote lé konèkté… Alor alon komanss par fé in plan d’dévlopman, alon rode lo bande finasnsman – pars la pa larzan k’i manke anou – épi lo bande formassion ?

Mé kanssa i kass lékonomi d’kontoir-la ? Kanssa i dékolonize vréman la Rényon ? Mézami éskize amwin mé lé fasson k’i fé sé konm k’i diré in nouvo Bimidom aranjé in n’ote fasson. Sé pou sa mi di azot sa i komanss fé monte mon zamal, sa i komanss fatig mon tété, sa i komanss fèr chch amoin kèlképar ; sa i fé chch..ak foi la même shoze.

Justin