Mé kan in moune i di kékshoz konmsa li vé dir : « Mi doi pa ou arien » .Donk si mi doi pa ou arien mi doi ou sak toulmoune i doi toulmoune, lonèr épi lo réspé .Mé néna in n’afèr i késtyone amwin : lé vré mèm si wi doi pa arien, wi doi lonèr é lo réspé ? Mé wi doi ki in bien ni pé apèl ali préssyé konmsa ? Néna demoune i mérite pa sa.

In marshann parol i mérité kèl onèr é kèl réspé ? In moune néna pli d’viss ké l’izine bofon,fransh vérité kèl onèr kèl réspé wi doi li ? bann politissien frodèr d’zélékssion, mwin pèrsonèl, mi doi pa zot ni lonèr ni lo réspé.

Toussa pou dir azot kan mi lir in kozman kréol rényonè i ariv défoi mi poz amwin in ta avèk in paké késtyon konmsi mwin l’apré fé in dissèrtassion si sé a l’ékri, in sobatkoz rant demoune, mèm dann mon lintèryèr avèk in bout mon sèrvo i réponn l’ote é vèrsi-vèrsa.

Alé ! Mi kite azot rofléshir la dsi é ni retrouv pli dvan, sipétadyé.

Justin