Mézami an zénéral kréol i yèm pa kan i di zot i doi larzan. Mèm zot lé paré pou mète azot an kolèr kan i di kékshoz konmsa. Poitan nou lé pa otroman ké toulmoune. Nou ossi parfoi i manke anou in pti katsou pou fé sink fran. Pou nou ossi la fin lo moi i ariv bonèr dan lo moi. Mové pèyèr sa sé in kalité d’moune i mank pa.

Astèr si ni rolir noute kozman pou la route ni koné sa i vé dir : mi doi pa ou arien ! É toulmoune i mète in poin d’onèr pou pa dovoir d’moune. Antouléka pou k’le moune i kroi sa. Poitan si avan té konmsa koméla toulmoune i doi la bank pars la bank sé in linstitission par rapor a nou.

Alé ! Mi kite azot rofléshir la dsi é ni rotrouv pli dvan, sipétadyé.

Justin