Mézami dann tan done parol in moune té pli for k’in ékri. Sa téi marsh kan ou téi prète larzan é kan ou téi anprète. Sa téi marsh kan ou téi promète in moune vann ali kékshoz sansa done ali kékshoz. alor pou bien afish son lonèkté demoune téi di lo kozman marké an-o la. I fo dir l’onèr é lo réspé sa sé in n’afèr wi doi toulmoune si l’moune lé onète, si ou ossi ou lé.

Dizon si la parol téi marsh an zénéral l’avé ossi dé ka la parol téi marsh pa é mwin la konète demoune, zot promèss téi vo pa arien ditou é par dsi lo marshé zot téi anfou zot répitassion. Mwin na linpréssion zordi sa i vo pi arien é mèm lonèr é lo réspé sé kékshoz na pi tro d’konténi astèr..

Mi kite azot rofléshi la dsi, é ni rotrouv pli d’van, sipétadyé.

Justin