Mézami souvan défoi demoune lé in pé an kolèr kan i di zot i doi d’moune kékshoz konm par égzanp in l’arzan ; zot i koné larzan lé fassil pou anprété, lé difissil pou rande… étan jenn mi rapèl bien demoune téi anprète larzan dsu parol é téi promète zot noré rande.

Mi yèm bien rakonte listoir méssyé é madam Hoareau di mizèr avèk in boug téi apèl Grate-pa. Donk in zour Hoareau di mizèr l’avé larzan amaré dann in té doréyé épi konm do fé t’ékspré Grate-pa l’avé bézoin larzan é li la anprète avèk Hoareau. Mé lo tan la passé épi in zour Hoareau di mizèr la parti rode son larzan é le boug la di ali : « Ou néna in rokonéssans de dète ? Okilé oute papyé ? ». Biensir l’avé poin é Grate-pa la di : « Mi doi pa ou arien sof lonèr é lo réspé »

Pa d’papyé larzan zété. Téi rèss arienk pou mète l’afèr dan la min Bondyé, fé novène, mé san rézilta. Mi lèss azot rofléshi la dsi é ni rotrouv pli d’van, sipétadyé !

Justin