Médam zé Méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.

Mézami, pou in bonpé d’moune, par raporte la santé, néna dé « o » é néna dé « ba » é kan wi sorte an ba pou armonte an-o, i pé di « wi ropran favèr » : la santé, avèk la fors i rovien, pou sak néna la shanss pa avoir trape in maladi tro sèryé, é pou sak néna in bon rézistans- dann franssé i apèl sa « rézilyanss ».

Mi koné inn-dé kamarad, sanb pou mwin zot i ropran favèr lèr-ki-lé épi mi shoizi lokazyon pou souète azot in méyèr santé é ké la vi, pou zot, i rokomanss konm avan.

Mi kite azot rofléshi la dsi é ni artrouv pli d’van, sipétadyé.